Subscribe RSS




స్నేహం..... ఈ ప్రపంచం లో రక్త సంబంధం తో వచ్చే సంబంధాలు కొన్ని ఐతే, మన మనసుతో సంపాదించుకునే సంబంధాలు కొన్ని. సంబంధమెలా వచ్చినా బంధమెప్పుడు అపురూపమే, అపురూపమైన బంధాలకే అపూర్వమైన అనుభందం ఈ స్నేహంతో... స్నేహమంటే ఎంతో మంది కవులు ఎన్నో పాటలు రాసేరు, కవితలల్లేరు, రచయతలు కధలు రాసేరు సినిమా లు తీసేరు.. స్నేహమంటే ఎంత మంది ఎన్ని విధాలు గా చెప్పినా ఇంకా చెప్పటానికి వీలయ్యేది...... చెప్పుకోవటానికి మిగిలుండేది...


చిన్నప్పుడు కలిసి బడిలోకి పరుగెత్తిన ఆకతాయి కాలపు స్నేహాలు, వురకలు వేసే వయసు లో జీవితాల నుంచి దూసుకెళ్ళే స్నేహాలు, ప్రపంచం లో ప్రతి విషయాన్ని మనదైన..... మన కంటి తో నిర్వచనాలు నిర్ణయించె వయసు లో జీవితమే తనదనిపించే స్నేహాలు, ప్రపంచాన్ని పాదాక్రాంతం చేసుకోవాలనే వుత్సహం లో గమ్యం వైపు పరుగు మొదలెట్టినప్పుడు తోడు పరుగెత్తిన స్నేహాలు, 


తనదైన జీవితం లో తనతో పాటు గా తోడు నిలిచి మది నిండే స్నేహాలు... ఎన్నని చెప్పినా ఎంతని చెప్పి నా ఇంకా అసంపుర్తి గా చెప్పటానికి మిగిలి... సంపూర్తి గా వున్నానంటు జీవితాంతం తోడుగా ఆకతాయి తనం నుంచి ఆఖరి మజిలి వరకు కలిసి వచ్చే స్నేహాలు....

స్నేహమా నీకిదే నా శత సహస్ర కోటి వదనాలు...



జీవితమంటే స్నేహమే అనే దిశ లో నాతో కలిపి అడుగేసి, స్నేహమంటే నిర్వంచించిన నా ప్రాణ హితులకు, స్నేహమంటే అవసరాలకు వాడుకోవటమే అనే నిర్వచనాన్ని పాటించి గుండెలో అనంత దుఖ సాగరాలను నిలిపిన స్నేహితులకు , జీవితపు ప్రతి మజిలి లో వచ్చి చేరి జీవిత కష్ట, క్లిష్ట సమయాలలో తమ స్నేహ హస్తం తో గట్టెకించిన ప్రియ నేస్తాలకు, చెమరించిన కన్నులలో చేమ ను..... నవ్వైతే పెదవితో, బాధ ఐతే గుండె తో పంచుకున్న మిత్రులకు, పరిచయమైన అతికొద్ది కాలంలోనే ఒక స్నేహ కుటుంబమైన బ్లాగ్లోకపు నేస్తాలందరికి ప్రపంచ స్నేహితుల దినోత్సవపు శుభాకాంక్షలు.

చెలిమి అనే అపురూప పరిమళం సదా మన జీవితాలలో నిండి వుండాలని, ప్రతి రోజు స్నేహోత్సవమై అనుక్షణమొకసంబరమై స్నేహ బంధాలు ిలబడాలని సదా కోరుకుంటున్నాను
.

18 comments to “స్నేహోత్సవం”

  1. happy friendship day

  1. మనం ఎంచుకునే బంధాల విలువ అమూల్యం. స్నేహం అందుకే అపురూపం.

  1. happy friendship day

  1. స్నేహితుల దినోత్సవశుభాకాంక్షలు నేస్తమా!!!

  1. "జీవితం
    తీరని దాహం
    తీర్చు‘నది’ఒకటె
    అది స్నేహం "
    happy friendship day

  1. happy friendship day :)

  1. చాలా బాగా రాశారు.... :)

  1. మాల గారు ధన్యవాదాలు.
    బాగా చెప్పేరు మహేష్..
    పద్మార్పితా.. :-) దన్యవాధాలు.
    పరిమళం: కవిత బాగుందండి. ధన్యవాదాలు.
    నేస్తం. ధన్యవాదాలు.

  1. విశ్వ ప్రేమికుడు గారు: దన్యవాదాలు.

  1. భావన గారూ !
    మీ స్నేహ భావనలకు స్వాగతం !
    వసుధైక కుటుంబకం అనే మాటను నిజం చేస్తున్నా అంతర్జాల లోకంలో మీకింకో బ్లాగు మిత్రుడు ఇదిగో ఇప్పుడే కలిసాడు మీకు !
    శుభంభూయాత్ !

  1. ధన్యవాదాలు ప్రభు గారు నన్ను మీ మిత్ర లోకం లో చేర్చుకున్నందుకు, మీ బ్లాగ్ చూసేను పిక్చర్స్ చాలా బాగున్నాయి.

  1. చాలా బాగా రాసారండీ...ముఖ్యంగా రెండవ, మూడవ (పెద్దవి) పేరాలు చాలా బాగున్నాయి.

  1. శేఖర్ గారు ధన్యవాదాలు..

  1. Happy happy (Belated) friendship day :)

  1. Thanks and wishing you the same Siva.

  1. పరస్పరమీ అవగాహనలు, బంధాలు. కలకాలం నిలవాలని నిత్యనూతంగా వెలగాలని ఆశిస్తూ..

  1. ఇప్పుడే చదివాను..చాలా బాగా రాసారండి.స్నేహానికున్న అపురూపమైన రూపం కొందరు స్వార్ధపరుల వల్ల వికృతంగా మారుతూంటుంది..అయినా సరే మళ్ళీ తన నిజస్వరూపమైన ఆనందరూపాన్ని పొంది మనల్ని అలరిస్తూనే ఉంటుంది.ఆలస్యంగానైన అందుకోండి....స్నేహితులదినోత్సవ శుభాకాంక్షలు!!

  1. ఉష స్నేహమొక కలకాలం నిలిచే కమ్మని రాగమైతే మనమందరం స్వరాలు గా కాక పోయినా ఆ రాగానికి పరవసించే ఒక మువ్వలమైనా కావాలనే నా ఆశ కూడా ధన్యవాదాలు.
    తృష్ణ: ధన్యవాదాలు. స్నేహితుల దినోత్సవం ఎప్పటికి ముగియదు దాని కి శుభాకాంక్షలకూ ఎప్పటికి ఆలస్యం కాదు..